قصيدة فلترة

الشاعر محمد الشحات محمد

الشحاتين كتروا
بس اللصوص أكتر

طفيت حريق "بترو"
شعلل هواك عنتر

شعبولا فى المجلس
والورشة بتسنتر

تحت الجزم ناموا
والجايزة للأبتر

نفس الوشوش تنعاد
والطبع كان ماستر

قفلوا الجديد والجاد
ومفيش هناك إنتر

ملعون أبو الأعمى
خلى العبيط أشتر

رغم الكبير موجود
بس الفساد فاستر

حتى اللجان ماتت
والمعرض اتبعتر

حط اللئيم من فوق
بالواسطة يتهنتر

يارب أنت النور
ارحمنا أو فلتر