«منى مينا مش هتنفعكوا».. رواد السوشيال ميديا يهاجمون حسين خيري وشيرين غالب

يا دكتور حسين خيري ياللي المفروض إنك نقيب الأطباء.. اتمشى برجلك الكريمة وشوف الدولة بتعمل ايه عشان تستورد كل المعدات الوقائية للأطقم الطبية علشان شغلها، وبتعمل ايه بردو الدولة عشان تخلص إجراءات الحاجات دي.. هو ده بردو مش من شغل سعادتك.

يا دكتورة شيرين غالب حاولي تتشطري شوية على المستشفيات الخاصة واتكلمي عنها وعن جشعها.. بدل ما انتي كل تركيزك هو وزارة الصحة.. هو ده مش المفروض بردو من اختصاصك، لكن الإجابة معروفة طبعا هي متقدرش تهوب هناك علشان المم.

خلوا بالكم الناس ابتدت تدور بجدية على الزلة اللي مسكاها منى مينا عليكم واللي انتوا بسببها سايبنها مبرطعة في النقابة على حسها.. وخلوا بالكوا لما الناس تعرف إيه الذلة دي هتبقى سيرتكم على كل لسان واللي مايشتري يتفرج، فأحسن ليكوا ألفظوا منى مينا علشان هي مش هتنفعكوا