وفاء عامر: عمرى ما هطلب الطلاق من جوزي حتى لو خاني

قالت الفنانة وفاء عامر، إنها لا يمكن أن تطلب الطلاق من زوجها في أي يوم من الأيام، متابعه: "عمرى ما هطلب الطلاق من جوزي حتى لو خانني، ولو خاننى هبقى أنا السبب"، مسترسله: "ليه الست تاخد موبايل جوزها وتفتش فيه؟ دا الدين قال يا أيها الذين آمنوا لا تسألوا عن أشياء إن تبد لكم تسؤكم".

أضافت وفاء عامر، في لقائها مع الإعلامي عمرو أديب، ببرنامج "الحكاية"، أن الجتمع ينظر للمرأة المطلقة على أنها "سانكد هاند"، متابعة: "أنا جوزى لو ماكلش من إيدي ما ياكلش خالص.. ممنوع الشغالين في البيت يعملوا أكل".

وعن الفن، قالت وفاء عامر: "فيه ناس بتبقى صف أول بس بدون موهبة، لكن بتبقى الكاميرا حباهم والناس عايزه تشوفهم ولازم موهبتهم تتقل شوية، ولكن الجمهور لا يشترى ولا بيضحك عليه، والممثل لازم يحترم كل الأدوار لأن مكتوب في بطاقته ممثل، والعلاقات في الفن مش كل حاجه".

وقالت الفنانة وفاء عامر، عن الفنان الراحل محمود عبدالعزيز: "كل ما أشتغل مع حد بترحم على محمود عبدالعزيز، الفنان محمود عبدالعزيز شخص متواضع جدا"، فيما قالت عن الفنان عادل إمام: "قيمة وقامة وننتظره في عمل جديد ويكون عظيم كالعادة، ومفيش خليفة لعادل إمام لأنه شخصية لن تتكرر، وهو منظومة غير مسبوقة في بني آدم وقدر يحقق المعادلة الصحبة في الكوميديا والتراجيديا".

ووصفت عهد الرئيس عبدالفتاح السيسي، بعهد محمد علي باشا، قائلة: "عهد النهضة في مصر، وماحدش هياخد حق حد تاني"، متابعه: "تابعت مسلسل الاختيار في رمضان الماضي"، فيما كشفت عن انتمائها للنادي الأهلي، قائلة: "أنا أهلاوية وجوزي زمالكاوي وبحب قفشه جدا في الأهلى، زعلت من استبعاده هو ومحمد شريف من المنتخب".

وأشارت الفنانة وفاء عامر، إلى حبها الشديد للفن، قائلة: "بحب الفن أكتر ما بحب نفسي وممكن أمثل من غير فلوس لو حبيت الدور".