رزق: «أي حد يتريق على شيرين مريض نفسي.. ولازم ندعمها»

فاجأت الفنانة شيرين عبد الوهاب جمهورها بظهورها في أحدث حفلاتها في مهرجان "أم الإمارات" في أبوظبي المقام حاليا، حليقة الشعر في أول حفل لها بعد تجربة الطلاق التي عاشتها مؤخرا.

بدأت الجماهير والفنانين في مؤازرة شيرين بمحنتها والتعبير عن حبهم لها في كل حالاتها فقال الفنان محمد علي رزق عبر حسابه على موقع التواصل الاجتماعي "فيس بوك":" أي حد بيتريق على شيرين يبقى مريض نفسي…واضح جداً إن تجربة جوازها كانت قاسية و صعبه و كانت بتمر بضغوط تقيله… البني أدم إللي بجد..يدعمها و يقولها مهما عملتي إنتي شيرين إللي بنحبها و قمر فكل حالاتها".

وتابع "محمد":"شيرين بتستعيد ثقتها ساعدوها …الجمهور مش دوره يسمع و يتفرج و ينتقد بس…الجمهور المفروض لو لاقى النجم إللي بيحبه بيقع و محتاجه علشان يقف يسنده مش يدوس عليه".

يشار إلى أن شيرين عبد الوهاب قالت خلال حفلها الذي ظهرت خلاله حليقة الشعر:" "مبسوطة إني معاكم ويا رب تقبلوني بالشكل ده بس انتو عارفين انه أنا كدة فوقت، أنا بتحدى أصالة المرادي مش حتقدر تعمل كده، شايفين القمر النهاردة بلون فستاني"، وبعد وصفها بالقمر من قبل الجمهور الحاضر لحفلها ردّت عليهم "انتوا القمر مع قبلة ".