الرئيس السيسي: أنا بعتبر نفسي إنسان طُلب منه التدخل لحماية وطنه

أفاد الرئيس عبدالفتاح السيسي، إن المؤتمر الاقتصادي لابد وأن يكون له آليات مستقرة بشكل مستمر يساعد في تنفيذ التوصيات التي خرج بها المؤتمر ولتحقيق نجاعته.

وذكر الرئيس في كلمته، أمام الجلسة الختامية للمؤتمر الاقتصادي «لابد للمؤتمر أن يكون هناك آليات مستقرة موجودة مع الحكومة بشكل مستمر أثناء التحرك لتنفيذ التوصيات».

وأضاف «انتوا اتكلمتوا عن مجموعة عمل لصالح طرح ما تم التوافق عليه إعلاميا وأنا اتكلمت عن البيئة السياسية والاجتماعية والفكرية والإعلامية انا متفق معاكم المؤتمر يتعمل كل سنة، ومن 8 سنين، وأكتر كنا بنتكلم عن منصات للحوار منها منتدى الشباب، وقلنا كل شهر أو شهر ونصف أو شهرين نعمل ده ونجحنا نعمل ده ثم سنويا حتى على مستوى العالم عملنا منتدى شباب العالم وجت كورونا وقفت ده».

وتابع «خلينا وأنا بتكلم الدكتور ضياء (ضياء رشوان منسق الحوار الوطني)، لما اتكلمنا عن الحوار الوطني كان شامل مكنش في اتجاه محدد كنا بنطرح كل القضايا وكل الجهات اللي عايزة تتكلم تتكم سواء اقتصادي او اجتماعي أو ثقافي وأنا اتصور إن احنا اتصور اننا عاوزين نعمل حاجة تانية في الملفات التانية».

واستكمل «أنا بشارك معكم هنا مش رئيس مصر ولما بقول كده مش بدغدغ مشاعر الناس.. أنا بعتبر نفسي انسان طلب منه التدخل لحماية وطنه».