الرئيس السيسي: «أصعب موقف عدى عليا كان في 2011 كنت ببكى على مصر»

بدأت قبل قليل فقرة «اسال الرئيس» في احتفالية قادرون باختلاف بحضور الرئيس عبد الفتاح السيسي.

وسأل رامز ممدوح طالب ثانوية عامة من ذوى الهمم، والي يقوم بمونتاج للصور بالرغم من كونه كفيف، أصعب موقف عدى حضرتك لما كنت في القوات المسلحة؟.".

ورد الرئيس :" اصعب موقف عدى عليا كان في 2011 ، كنت ببكى على مصر، حسيت ان ممكن الأمور تخرج عن السيطرة والبلد تدخل في دوامة الخراب والدمار وكنت عارف ان عددنا مش قليل وظروفنا صعبة كدولة مش مستحملة تدخل في أمور زي كدة ، كنت حاسس بالخطر الشديد بدون مبالغة يارامز لحد دلوقتي.. كنت مش باين عليا سني قبل 2011 متدونيش أكتر من 30 سنة.. الخوف على البلد أكثر حاجة صعبة انك تشعر ان اهلك وناسك ممكن يضيعوا.. السؤال صعب اوى في ناس كتير كان عندهم القلق ده.. لكن بقولها بعد 11 سنة لازم تعرف يارامز إن اللي حما مصر ربنا سبحانه وتعالى وأنا من الناس اللي ممكن يبقوا شايفين حجم الدمار اللي بلد تدخل فيه.. سنين طويلة 20 أو 30 سنة الله أعلم.. البلاد اللي جنبنا اللي دخل مخرجش.. لو كان حصل شكل من اشكال الحرب الاهلية كانت .. نقدر نقول ان الجيش والشرطة والدولة دفعت تمن كبير أوي".

وتابع الرئيس :" الحمد لله إن ربنا نجانا من ده وعدى بسلام وان شاء الله اللي جاي أفضل".