أحمد إبراهيم يشكر عمرو دياب بعد نجاح ”بطمن عليك”: الحمد الله على وجودك وسطنا

وجه الموزع الموسيقي أحمد إبراهيم رسالة للنجم الكبير عمرو دياب بعد نجاح أغنيهما "بطمن عليك".

ونشر أحمد إبراهيم بوستر أغنية عمرو دياب الجديدة "بطمن عليك" عبر صفحته على Facebook وعلق قائلا: "شكرًا يا هضبة على تقديرك الكبير ليا ولموهبتيي، لنصايحك وأفكارك ومشاركتك للرؤية الفنية والشكل الموسيقي، ولصوتك وإحساسك المُلهم للإبداع".

وأضاف: "20 سنة "قبلك" نجحت فيهم بفن من تأثير فنك عليا وعلى جيلي، و 3 سنين نجاح بعدك هما الأهم".

وتابع: "الحمد والشكر لله الملك على وجودك وسطنا استفاد منك اللي نافسك واللي انتجلك واللي اتصور معاك واللي اشتغل معاك أو حتى اشتغل في زمنك اتعلم منك حتى اللي بيطلع يهاجمك ويعاديك استفاد واشتهر".

واختتم أحمد إبراهيم رسالته: "بحبك يا هضبة .. كتبت الكلمتين دول في وقت نجاح ساحق عشان الدنيا بتغُر والنماذج الهش كتير".

وكان عمرو دياب قد طرح أحدث أغنياته "بطمن عليك" بالتزامن مع عيد الحب، وذلك عبر خدمة فودافون.

"بطمن عليك" من كلمات وألحان عزيز الشافعي، توزيع أحمد ابراهيم، وميكساج وديجيتال ماستر أمير محروس.

ويقول مطلع الأغنية :
أنا بطمن عليك مش عايز حاجة منك
غير بس إنك ترد
إنت كويس بجد؟
مش ناقصك أي حاجة؟
مش ناقصك أي حد؟
يابعيد عن عيني
ياعيني بعيد
م القلب أنا بسلم
منا معزز سلام الإيد