مروة صبري تعليقًا على منشور فتاة تطلب الزواج: «عايزة تبقى تريند ومفيش حاجة اسمها عانس»

علقت الإعلامية مروة صبري، على منشور أحدى الفتيات الذي تداوله رواد مواقع التواصل الاجتماعي، خلال الساعات الماضية، والذي طالبت من خلاله بالزواج، موجهة لها رسالة.

وقالت مروة صبري، في برنامجها “قعدة ستات” المذاع عبر شاشة قناة “القاهرة اليوم”: أنا شايفة أن في حاجة واحدة بس اللي فيها مشكلة لأن الموضوع ده في عدة نقط، أول نقطة أنها تطلع أنا عايزة عريس هي مش غلط ولكن خلينا نفترض حسن النية مش أوي، لأنها طبعًا عايزة تاخد تريند زي ما كله عايز يبقى تريند، ولو شوفنا نص الكوباية المليان هل هي كد قللت من نفسها وقدام المجتمع بتعرض نفسها للجواز، هي مقالتش حاجة غلط قالت عايزة اتجوز ومواصفات، إيه المشكلة.

وتابعت: في نقطة واحدة بس اللي عندي مشكلة فيها، أنها قالت أن هي عندها 27 سنة وعنست، أنا بقيت أحس أن كلمة عنست دي قديمة، بقت موضة قديمة واتدفنت، مفيش حاجة في الدنيا اسمها عانس، اتجوزتي وإنتي عندك 30 أو 40 أو 50 سنة إنتي حرة، إحنا دلوقتي بقينا في مجتمع متفتح وناضج ومثقف وعنده نسبة كبيرة من الفكرة المحترم أن مفيش حاجة اسمها عانس.

برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.

https://fb.watch/l-XftVugDR/?mibextid=Nif5oz