انتصار: أنا أكتر واحدة بتحمل بلاوي تأخير الزملاء.. وبعاني من خدمة العملاء والناس المزورة

أعربت الفنان انتصار عن استيائها الشديد بسبب عدم احترام المواعيد، بجانب حديثها عن الشركات التي تنتحل شخصية توكيل الأجهزة الكهربائية وتعمل تحت اسمها.

وقالت انتصار في مقدمة برنامجها “من غير نفسنة” الذي تقدمه مع الفنانة بدرية طلبة، ونوليا، عبر شاشة قناة “هي”: أنا أكتر واحدة متحملة بلاوي تأخير الزملاء، عمري ما بكلم حد أسأله إتأخر ليه.

وتابعت انتصار: إحنا بنتكلم على احترام المواعيد، ولكن منجيش نتكلم على الزحمة القاتلة، إزاي نطلب من حد يوصل في ميعاده ومفيش ظروف ملائمة؟، ولكن دلوقتي في طريق واتنين وتلاتة الناس تمشي منه.

وأضاف: أنا بعاني من خدمة العملاء والناس المزورة اللي مبيبقوش صيانة ويقولوا أنا صيانة، هو في حاجة اسمها استني العامل من 9 لـ 3، يعني متحركش من البيت وأفضل مستنياه؟، ولازم أنتبه للتليفون علشان لو اتصل ومردتش باخد ميعاد بعدها بشهر.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

https://youtu.be/JsCIBagLSaI?si=uuHXObQT22ghGbGA