كامل الوزير يعلق مازحا على وصول صحفي للعاصمة الإدارية بسيارته: يبقى أنا فشلت لازم أجيبك بالمونوريل

وجه الفريق كامل الوزير، نائب رئيس مجلس الوزراء ووزيري النقل والصناعة، سؤالا لأحد الصحفيين خلال المؤتمر الصحفي للحكومة بالعاصمة الإدارية، اليوم الخميس، حول كيفية وصوله، قائلا: «أنت جي النهاردة من بيتكم إزاي ؟».

وأجاب الصحفي، موضحا أنه وصل إلى مقر المؤتمر بسيارته الخاصة؛ ليرد كامل الوزير قائلا:« يبقى أنا فشلت لازم أجيبك العاصمة هنا بـ الـlrt والمونوريل».

وشرح خلال المؤتمر للصحفي كيفية وصوله إلى العاصمة الإدارية، قائلا: «لو أنت في شبرا أو حلوان هتيجي بالمترو وتغير تركب الـ lrt من عدلي منصور لغاية هنا، أو تركب المونوريل من أي مكان من أول أكتوبر والمهندسين لغاية ستاد القاهرة ومن القاهرة الجديدة إلى هنا».

وأوضح أن هذا سيساهم في توفير العملة، من خلال توفير تكلفة استخدام بنزين السيارة الخاصة واستبدالها بوسائل النقل الجماعي، قائلا: «هذا ما يوازي في الصناعة توفير العملة هتقول لي توفير عملة إزاي؛ لأن أنت بتوفر العربية اللي بتيجي بها لوحدك وتركب المترو وتوفر البنزين اللي بتحطه في العربية، علشان تجيبك لوحدك، وهتركب المترو كل ده توفير العملة اللي أنت بتنادي به».

واختتم حديثه مازحا مع الصحفي، ناصحا إياه: «سيبك من عربيتك من بكرا وتعالى في المترو».