شدوني من الطرحة.. تفاصيل جديدة في واقعة تشويه وجه ”عروس مصر القديمة” قبل زفافها بأيام

كشفت تحقيقات النيابة العامة تفاصيل صادمة في واقعة اعتداء سيدة مطلقة على "عروس طليقها" وتشويه وجهها باستخدام شفرة حادة، قبل أيام قليلة من زفافها بمنطقة مصر القديمة.

اعترافات المتهمة:

قالت المتهمة في تحقيقات النيابة: "المنشور نزل من حوالي 10 أيام، والمشاجرة حصلت يوم الأحد اللي فات الساعة 10 بالليل في عزبة خير الله عند المعهد الديني، وتم القبض عليا من بيت طليقي في المطرية".

س: ما سبب تواجدك في هذا المكان؟

أجابت: "كنت رايحة أعاتب والدة منصورة (العروس) على اللي عملته بنتها فيا، ومصطفى (شخص كانت ترافقه) قال لي إنهم هيأدبوها، لكنهم شدوني من الطرحة، ولما منصورة اتعورت خفت ورحت أقعد عند خالتي. وبعد يومين طليقي كلمني ورحت عنده".

س: من كان برفقتك وقت الواقعة؟

ج: "كان معايا مصطفى. و. ع، ولما اتمسكت كان معايا طليقي أحمد. س، الشهير بـ أحمد الأبيض".

س: ما علاقتك بالمجني عليها؟ وهل توجد خلافات سابقة؟

ج: "ماكنش في أي حاجة بينا، وهي اللي بدأت المشاكل بعد ما باركتلها على جوازها من طليقي".

س: من ضبطك؟ وهل دار حوار بينك وبينهم؟

ج: "اللي قبضوا عليا كانوا من شرطة قسم مصر القديمة، ومعرفش أساميهم، ومفيش أي حوار دار وقت الضبط، هما دخلوا بيت أحمد وخدونا".

س: هل تم تفتيشك؟ وما نتيجة التفتيش؟

ج: "أيوه، فتشوني وأنا داخلة القسم، وما لقوش حاجة".

س: هل لديك خلافات أو معرفة سابقة برجال الشرطة؟

ج: "لا، معرفهمش ومفيش بينا مشاكل".

س: ما ردك على ما ورد بمذكرة الضبط؟

ج: "محصلش، أنا ما ضربتش حد، ومكانش معانا أي أسلحة، ومقلتش إني عملت كده".

س: من المتسبب في إصابة المجني عليها؟

ج: "معرفش، بس مفيش حد كان معاه سلاح غير مصطفى".

س: ما ردك على شهادة المجني عليها في التحقيقات؟

ج: "الكلام ده محصلش، هي اللي عملت معايا مشكلة على النت، ولما رحتلهم الشارع اعتدوا عليا وبهدلوني، وأنا ملمستهاش".

س: كيف تم الاعتداء عليك؟

ج: "شدوني من هدومي، وكانوا بيتخانقوا معايا".

س: هل أصبتِ جراء المشاجرة؟

ج: "لا، ما فيش إصابات".

س: هل لكِ سوابق جنائية أو قضايا مماثلة؟

ج: "لا".

س: هل لديك اسم شهرة؟

ج: "لا".