30 سنه في الغربة وأبنه الكبير ضربة وطردة من البيت .. طبيب بالسعودية يكشف تفاصيل صادمة

استغاث الدكتور محمد عبد الغني قاسم، طبيب استشاري مصري مقيم بالمملكة العربية السعودية، بعد تعرضه للخيانة على يد أبنائه الذين قاموا باختلاس كامل أمواله وممتلكاته داخل مصر، مما أدى ذلك إلى تدهور حالته الصحية وإصابته مرتين بنزيف في المخ.

استغاثة طبيب مصري مقيم بالسعودية من أبنائه

وقال الدكتور محمد عبد الغني: بقالي 30 سنة في الغربة وباخد راتب كبير، وكل فلوسي اديتهم لأولادي، وابني الكبير عمره 39 سنة اديته كل الصلاحيات وكتبت كل حاجة بأسمه، على أساس لما أرجع كل حاجة تبقى بتاعتي.

وأضاف: أول ما قولتله يا ابني أنا عندي 69 سنة ومش راضيين يجددوا ليا العقد اتقلب عليا تمامًا، بيقل أدبه عليا وبيشتمني وبيهددني، وفجأة قالي أنا كل حاجة بتاعتي، واتعاون معاه 3 من البنات من أشقائه، ولكن فيه بنت وولد من أبنائي معايا وواقفين في صفي.

وتابع الدكتور محمد عبد الغني: أنا بقالي 30 سنة في الغربة ومليش أي حسابات في البنوك، وبنتي الكبيرة بتشتم فيا وهي عاقة بيا وبوالدتها، أنا بقيت عايش في هم وعيالي قالولي لما تنزل ملناش دعوة بيك وخدوا كل فلوسي.

وأردف: أنا وقعت من طولي على الأرض لما عيالي قالولي كده، وأُصبت بنزيف في المخ واتدمرت، ومش عاوز حاجة غير إن ربنا يرد ليا حقي.