أحمد شوبير يهاجم «كامويش» قبل مواجهة بيراميدز: «صفقة فاشلة»

هاجم الإعلامي أحمد شوبير، نجم الأهلي الجديد، كامويش، بعدما فشل في إصافة أي قوة لخط هجوم المارد منذ انضمامه في فترة الانتقالات الشتوية الماضية.

وقرر ييس توروب، المدير الفني للنادي الأهلي، استبعاد كامويش من قائمة الفريق الأول، الذي يستعد لخوض مواجهة قوية ضد بيراميدز في الدوري المصري، لموسم 2025-2026.

وقال أحمد شوبير في تصريحات إذاعية اليوم : «كامويش خارج قائمة الأهلي لمباراة بيراميدز وتوروب رفض إنه يمشي قال لك اللاعيب ما يطلعش يهاجمني ويطلع ينتقدني وبعدين تمشيه وياخد المكافأة إنه عمل كده إنه يروح يلعب في النرويج، يعني كامويش اعتبروه مجاش النادي الأهلي ومن ساعة ما بدأ الدور الثاني لا بيدخل في قائمة الأهلي وقصة العقد بتاعه والحدودتة بتخلص».

وأوضح شوبير: «يعني الحقيقة كامويش صفقة فاشلة بكل المقاييس، وعلى فكرة بعض المسؤولين داخل الأهلي بيزعلوا لما أقول كده، طيب أقول أيه؟!، أقول صفقة عالمية صفقة ناجحة مفيش أمارات يعني جراديشار كان له أهداف وله أمارات حتى ظهر شوية لكن برضه الناس انتقدته حتى محمد شريف لعب وخد هداف الدوري، لكن كامويش لأ، وحتى لما لعب لعب في ظروف صعبة جدا وفي الاخر أدي ألله وأدي حكمته».