بعد فيديو الدعاء على المقابر.. لما جبريل: مش لازم كل الناس اللي بتتجوز تخلف

انتقدت الإعلامية لما جبريل، تصرف إحدى السيدات، بعدما اصطحبت أولادها للمقابر للدعاء على زوجها الحي، وذلك بسبب عدم نفقته عليهم.

وقالت لما جبريل خلال فقرتها ببرنامج "الحكاية" مع الإعلامي عمرو أديب: "مش لازم كل الناس اللي بتتجوز تخلف، لو مش هنراعي ربنا فيهم يبقى بلاش، ومينفعش بعد ما نخلف ناخد العيال المقابر ونوريهم قبر ونقولهم ده بابا، هنقولهم ادعوا عليه؟"

وتابعت لما جبريل: الفكرة ان الراجل عايش والعذر اقبح من ذنب، ولما تطلع ام تقول ان ابوهم مات، وهو شغال برا مصر وبيقبض 80 ألف وهو طلع قال والله ما حصل

واستكملت لما جبريل حديثها: لما حضرتك طلقتها مطلقتش العيال، ودي جريمة في حق الطفولة، المفروض اننا نعالجهم كمجتمع؟".

يذكر أن الإعلامية لما جبريل تقدم فقرة متخصصة في التريندات ببرنامج “الحكاية” مع الإعلامي عمرو أديب عبر قناة “إم بي سي مصر”، أسبوعيًا يومي الأحد والاثنين، وتتناول من خلالها ما يحدث على السوشيال ميديا، طوال الأسبوع وكيف يتفاعل معها الجمهور.

https://www.facebook.com/share/v/18ek23DnJe/?mibextid=wwXIfr