بعد الثانوية.. 6 نصائح لأناقتك في الكلية

كتير من البنات اللي بتكون داخلة الجامعة جديد بيكونوا محتارين أوي يعملوا أيه أو يلبسوا أيه ويتصرفوا ازاي في المجتمع الجديد ده، لأنها بتكون مرحلة انتقالية بالنسبة ليهم تختلف تمامًا عن المرحلة الثانوية.

وأكيد من الأسئلة اللي بتدور في ذهنك الفترة دي ألبس أيه؟ وده مناسب ولا لا؟ عشان كدة "الزمان" بتقدملك 6 نصايح مهمة جدًا وانتي بتختاري لبس الجامعة.

1. متجبيش لبس كتير عشان في خلال فترة قصيرة بتنزل حاجات كتير جديدة، واختاري ديما القطع اللي تقدري تلبسيها بكذا طريقة زي الشميز الجينز و ابعدي عن القطع اللي فيها الوان كتير و حاجات بتلمع.
2.  
3. هاتي شنطتين بألوان يمشوا معاكي علي حاجات كتير زي الأسود والجملي و يكون ليها إيد قصيرة وطويلة (كروس)، عشان تقدري تلبسيها بكذا وضع وتغيري من شكلها، وكل ما كانت شنطتك بسيطة كل ما كانت أشيك.
4. لو بتلبسي بنطلونات فلازم يكون عندك بنطلون جينز غامق هيليق علي حاجات كتير أوي و كمان السالوبيت الجينز نازل موضة و عملي ومريح جدًا، أما بقى لو انتي من محبي الجيبات فالجيبة السودة هي الجوكر بالنسبالك فحاولي تختاري قماشة ناعمة ومريحة وكمان الفساتين المنقوشة موضة السنادي فقطعة منها هتكون إضافة حلوة لدولابك.
5. بالنسبة للاكسسوار فالقطع الرقيقة والبسيطة منه بتضيف لمسة حلوة للطقم بتاعك بس في نفس الوقت ابعدي عن الحاجات التي بتعمل صوت وانتي ماشية والحاجات الكبيرة.
6. اختاري لفة الطرحة اللي تناسب وشك والخامة اللي تعرفي تستخدميها عشان تطلع معاكي بشكل حلو، ولو انتي مش محجبة خلي تسريحة شعرك بسيطة و عملية.
7. وأخيرا المكياج (Make up) لازم تكوني عارفة أنه مجرد وسيلة لتحديد ملامحك مش تغيرها وإن البساطة فيه مطلوبة؛ فابعدي عن الأي شادو و الروج الفاقع واختاري كريم أساس نفس لون بشرتك أو افتح درجة وألوان هادية للروج والبلاشر، والصن بلوك ده مهم جدا عشان متسمريش ولو انتي مش بتحطي ميك خلي الصن بلوك حاجة أساسية عندك عشان تحافظي علي بشرتك من الشمس.